今年過o左一個好忙的生日. 連續幾個gatherings 加頗為煩重的工作, 將我的時間表塞滿. 其實都挺享受這樣的生活, 至少唔會有太多時間胡思亂想.

非常感謝家人和朋友們對我的祝福. 上星期日, 家人搞了一個"蠔情夜" party, 百幾隻蠔於5分鐘內一掃光, 仲有其他三舅父精心炮製的o野食: 著蓉, 羅宋湯, 帶子剌身, 焗芝士雜椒意粉等, 雖然每樣食物都看似好簡單, 但佢地都好好味!  生日正日有佛梁的同學陪我過, 仲"靜雞雞"捧個cheesecake 過o黎. 完全surprise. 當然仲有其他好朋友的birthday greetings. 因為有你們, 所以我過了一個好快樂的生日.

過去一年, 最大的進步是勇敢面對自己的不足和恐懼: 例如 (1) 發覺自己處理事情時, 好多時都o係一廂情願, 唔理對方的諗法或事情的本質; (2) 放棄無謂的堅持, 事情拖了太久. 是時候放手, 亦放過自己(3)邏輯思維仍有進步的空間, 諗o野唔係步步推進, 而o係 "網狀思維", 即o係諗緊一樣o野時, n 樣o野會同時間o係個腦裡面出現. 所以好多時都會lose o左, 唔知自己想講咩. (4) 懂得尊重和家人的想法. 明天老豆的GF 會o黎屋企小住幾天, 對我o黎講, 完全係一個好大膽的嘗試. 另外, 最大突破係我終於夠膽捉曱甴. 那天佢訓o左o係大門前面, 唔捉佢我出唔到門口返工, 所以手起刀落, 咁就搞掂o左.

今早返工時見到一條好靚的彩虹, 一條半圓的七色彩虹橫跨了半個屯門, 係我有生以來見過的最靚的一條彩虹, 可能是上天見我工作辛苦, 送份禮物安慰我. 沒錯, 一生總有陰有晴, 但最終都會見到一條最美麗的彩虹.  

好多人都知道我一直都為家人的事煩惱. 小妹的冷漠態度, 對家人唔多理睬, 老豆漠視自己的身體健康, 有病都唔去睇醫生. 之前的感覺o係 "天呀..點算好?" 但今日的一餐飯, 讓我有另一個體會. 今日的飯局, 同以前的飯局差不多, 一張檯, 四個人, 分成兩group, 一group o係小妹同佢男朋友, 佢倆不停的講自己的事; 我同老豆一group, 無咩o野講. 老實講, 我覺得我地似兩group唔識o既人搭檯食飯, 兩group 人之間沒有交流. 我嘗試打開話題, 結果無功而還, 最後收聲, 淨o係講"唔該" 同 "今餐等我俾啦".  以前會為此而懊惱, 希望家人之間多d交流, 但今日見到小妹同佢男朋友好多o野講, 我覺得好欣慰, 因為佢搵到一個可以分享生活上大小事宜的人. 而且今餐o係佢負責搵餐廳同book檯. 食飯前仲去o左 恭喜哥哥新公司開張, 呢d都o係佢initiate, 咁証明其實佢仲關心屋企, 只不過佢o既表達方式同我地expect o既唔同. 再諗深一層, 其實我o既態度都有問題. 之前因為讀書唔多埋屋企, 宜家讀完書, 返屋企住, 就用自己的方式和態度去 “管”呢個屋企. 喂, 姐仔, 當日你唔管, 你宜家得閒無o野做, 就用你的方法去管我?! 傻o架?! 咁top-down o既! 同URA 做urban renewal的方式有咩分別?! (btw,講下講下家事都可以同urban planning 扯上關係, 真係服o左自己! :P)

Anyway, 有好多問題未解決, 老豆的身體狀態仍然令人憂心. 衰d講句, 我預o左老豆會突然出事. 點都好, 盡力做好自己的事, 尊重家人的生活方式, 其他的事, 由主去決定啦.

上星期二抽了兩個小時回HKU 做Exchange program experience sharing presentation. hmm...反正每班都有d 傻人唔聽勸, 叫佢地唔好去係對牛彈琴, 所以用了一個婉轉的手法叫d學生諗清楚, 用一句summarise 個presentation- 實現夢想有好多方法, exchange 只不過o係其中一個方法. 在prepare 的時候, 忽然掛念London的生活, 在花園曬著太陽寫文, 閒時到公園散步曬太陽. 不過今次好過上次去完warwick. 只是偶然思英病發, 過一陣就回到現實, 繼續工作.

有大型發展商話反對o係IFC 對出的地皮起樓, 話呢個o係public interests. 法庭推翻城規會對太古o係西摩道發展的決定, 話城規會唔可以越權. hmm...咁究竟邊個define public interests? 法庭? or developers??  anyway, it's dark side of planning again.

最近迷上整麵包. weekend 有時間就會整. 其實一向都喜歡食麵包, 食一個靚包就足以令我開心一整日. 點解自己整麵包? : 1.  對chain store 的麵包不太滿意, 覺得太甜. 但合我口味的又太貴.  2. 訓練自己的耐性. 其實我o係好無耐性, 好怕等 - 等人, 等車, 等食飯...完全o係浪費我的時間.   但整麵包, 特別o係一個好味的麵包係要等. 一個麵包要發酵兩次, 每次大約一 至兩小時. 如果要好味d, 第一次發酵要過夜. 整過幾次麵包, 都係因為太心急而失敗o左. 今次花多d時間去整, 終於成功! 由搓粉到食個麵包落肚, 前後花o左兩日時間. hmm......

Such a long week!

以前不管有多忙, 身體都沒有什麼毛病.  現在生活悠閒了, 就害起病來. 頭暈, 胃氣脤, 出疹, "精神病", 全在一星內發生. 其實這都只是小毛病而已, 沒大不了. 它們來得快, 去得快, 有些只要休息一晚就好了, 至於出疹, 由出疹到散疹只歷時一小時. 我都不清楚出疹的原因, 但絕對肯定不是燕窩 (本人對此敏感). 最後唯有到藥房買了支lotion ,塗在患處, 待了一會就自己好了.

"精神病"..hmm...是關乎我性格上的一些缺點. 老早就已知問題的存在, 亦已努力去認識自己及作出改善, 包括看了一些關於九型人格的理論及分析, 並定期對自己的生活作檢討. 最近在工作上犯了錯, 老闆對我性格/工作習慣作了分析及提出改善方法. 雖然老闆的說話是善意的, 不過這令我retarded 了一整天. 我在意的不是老闆的說話, 而是為什麼自己會犯這個錯和怎從性格上改變自己.

之前向神禱告, 說我不怕任何挑戰, 因為每次挑戰都是refresh 自己的機會. 今次都不會例外. 

by the way, 各位行尖沙咀金馬倫道時, 小心一些會叫你試衫的中年女士. 上星期六行經金馬倫道, 一連遇到兩個. 第一個問我o個件o係咪中碼衫, 無錯, 我o個件係中碼, 不過o係男裝褸! 入HSBC 提錢後, 又有另一個approach 我, 佢講到第四個字 "你o係咪著...." 我已經走開o左啦. 總之一句, 小心d啦, 各位. 見有唔妥, 即閃!

以前有個很奇怪的想法, 覺得把自己的schedule 排得滿滿的, 這樣的生活才叫充實. 亦因如此, 每次與朋友見面的時候, 他們總會說 "我知你忙嘛...."..以前的我, 會因這句話沾沾自喜, 因為這証明了我的價值. 但現在, 當朋友再說同一句話時, 我便馬上回應道 "我不忙...". 亦不會因此而覺得不妥, 反而覺得感恩. 因為我終於可以過自己的生活.  

今日主日學的主題是感恩祭. 主席提議我們列出在過去一年十件值得感恩的事. 我的十件事呢....

1. K.O. CUPEM! 正式結束兩年行屍走肉的生活.

2. 完成UCL 的Exchange program. 有命返香港 - 唔俾UCL 激死同做dissertation 做死已經算偷笑. 仲可以去o左scotland, italy, spain 同 paris. 全都是我一直很想去的地方. 去london 之前, 因為budget 有限, 本打算去只scotland 同italy 或 spain. Thanks god, 最後我可以到我想去的地方.

3. 在london時遇上"貴人" - landlady 美娟, housemate vicky, UCL 同學 - Cindy, Chee On 同 Billy. 他們在我苦悶幽暗的生活添上希望之光.

4. 回港不久就搵到工, 之後還得了一份planning related 的工作. 燒了兩年銀紙, 臨回港前正為自己的生活發愁. 不過很快便找到工作, 比我預期的要快和好. (唔駛點加班, 老闆唔會好挑剔, 而且好樂意教我...仲想點?)

5. 花多o左時間o係屋企 - 以前唔多黐家, 對那個唔多出聲, 鍾意買o野但又唔多執o野的細妹完全束手無策. 而家同家人的關係好o左 少少. 上星期我病o左, 老豆雖然上o左大陸會佳人, 但都打電話問我食o左藥未. wahha...簡直前所未見, 聞所未聞. 都o係o個句, 你想人地點, 你要先對人點....

6. 可以出席三表哥的婚禮. 他的婚禮在農曆年, 剛好是UCL的study  break, 我可以飛回香港參加他的婚禮, 而又不影響study schedule. 如果他的婚禮早/ 遲了一星期, 我都未必可以回港.

7. 四舅父, 四舅母回港 - 感恩我可以準時畢業, 趁佢o地返香港時, 同佢地映畢業相

8. 做annie 同 vincent 的伴娘 - 我並不是一個稱職的伴娘, 沒有幫助他們籌備婚禮. 見他們可以有情人終成眷屬, 挺感動. 所以因為他們的婚禮而病o左都抵 (我始終逃唔過兩年一病的魔咒, 雖然讀書時極辛苦, 但一個噴嚏都無打過. 今次只不過o係吹一吹, 咁就中o左..)

9. 重新建立自己的生活, 找回自己, 身體亦慢慢復原.

10. 身邊有一班好朋友 - 感謝上天安排一班天使在我身邊撐我, 特別是howard, 之前同佢差唔多日日都見面, 一個CBC 同一個HKBC, 都唔知點解可以傾得埋. 亦只有佢知道點安慰我. 而家佢返o左加拿大, 當然有唔捨得. 但人各有志嘛. 不過感恩, 我們有一大埋美好的回憶.